ක්‍රිකට් ක්‍රීඩකයන්ගේ සෝෂල් මීඩියා තහනම් කරන්න - හිටපු ක්‍රිකට් නායක මාවන් අතපත්තු
Sports • Published on: 2025-11-03 11:28:34
ශ්‍රී ලංකා ක්‍රිකට් ක්‍රීඩකයින්ට කෙටි කාලයකට හෝ සමාජ මාධ්‍ය සම්පුර්ණ තහනමක් පැනවිය යුතු බව ශ්‍රී ලංකා හිටපු නායක මාවන් අතපත්තු මහතා පවසනවා.
සිරස ටීවී හි වැඩසටහනකට එක්වෙමින් ඔහු මේ බව සඳහන් කළා.
ඒ මහතා පෙන්වා දෙන්නේ අන්තර්ජාලය ක්‍රීඩකයින්ගේ අවධානයට සහ වෘත්තීයභාවයට බලපාන බවයි.
රට නියෝජනය කරමින් ක්‍රිකට් ක්‍රීඩකයින් පුහුණුව සහ කාර්ය සාධනය කෙරෙහි ඔවුන්ගේ අවධානය සම්පුර්ණයෙන් යොමු කළ යුතු බවත් අවම වශයෙන් යම් කාලයක් සමාජ මාධ්‍යවලින් ඈත්ව සිටීම ක්‍රීඩකයන්ට අවධානය සහ කැපවීම නැවත ලබා ගැනීමට උපකාරී වනු ඇති බවත් අතපත්තු මහතා පවසනවා.
ඔහු පෙන්වා දෙන්නේ ශ්‍රී ලංකාව සියලුම ආකෘතීන් හරහා මෙහෙයවූ සහ රටේ වඩාත්ම විනය ගරුක ක්‍රීඩකයයන් ගොඩනැගු රටක් ලෙස සැලකෙන බවයි.
දැනට ශ්‍රී ලංකාවේ ක්‍රීඩා විලාසය දුර්වල වීම හේතුවෙන් ටෙස්ට් තරඟ පවා අහිමි වෙමින් පවතින බවද ඒ මහතා සඳහන් කරනවා.
වැඩිදුරටත් ඔහු පවසන්නේ "ක්‍රීඩකයින්ට සමාජ මාධ්‍ය අවශ්‍ය යැයි හැඟේ නම් ඔවුන් ක්‍රිකට් ක්‍රීඩාවෙන් විශ්‍රාම ගත යුතුයි. ඔබ රට නියෝජනය කරන විට ඔබේ අවධානය යොමු විය යුත්තේ ඔබේ කාර්ය සාධනය සහ සුදානම කෙරෙහි පමණයි.
වසර එකහාමාරක කාලයක් සඳහා ශ්‍රී ලංකාවට ලැබී තියෙන්නේ ටෙස්ට් තරග 4ක් පමණයි.
ශ්‍රී ලංකාවට ටෙස්ට් තරග නොලැබීම නිසා තරග ලබා ගැනීමට වෙනත් රටවල් පසුපස යෑමට සිදුව තිබෙනවා."