මාලිමා නාගරික මන්ත්රීවරියගේ විදුහල්පති සැමියා හෙරොයින් සමග පොලිස් අත්අඩංගුවට
Local • Published on: 2025-11-06 02:22:35
අනුරාධපුර එප්පාවල ප්රදේශයේ ප්රාථමික පාසලක විදුහල්පතිවරයෙකු හෙරොයින් කිලෝ 1කට අධික ප්රමාණයක් සමඟ අත්අඩංගුවට ගෙන තිබෙනවා.
මීට සතියකට පමණ පෙර එප්පාවල නල්ලමුදාව පාර ප්රදේශයේ දී අත්අඩංගුවට ගත් 30 හැවිරිදි පුද්ගලයෙකුගෙන් ලද තොරතුරක් මත අනුරාධපුර කොට්ඨාස අපරාධ විමර්ශන අංශය විසින් මෙම වැටලීම සිදුකර තිබූ බව සඳහන්.
මෙහිදී අදාළ විදුහල්පතිවරයාට අයත් බව පැවසෙන එප්පාවල, ඇදගල ප්රදේශයේ පිහිටි හෝටලයක පිටුපස වල දමා තිබූ මෙම හෙරොයින් කිලෝ 1යි ග්රෑම් 185ක තොගය සොයාගෙන තිබෙනවා.
පොලීසිය පවසන්නේ ඊට අමතරව අදාළ විදුහල්පතිවරයා විසින් ඒ අසල පිහිටි වැවකට දමා තිබූ මත්ද්රව්ය මැනීමට භාවිතා කරන විද්යුත් තරාදියක් සහ පොලිතීන් සීලර් යන්ත්රයක් ද සොයාගෙන ඇති බවයි.
අත්අඩංගුවට ගත් විදුහල්පතිවරයාගේ බිරිඳ ජාතික ජනබලවේගය පක්ෂයේ පෑලියගොඩ නගර සභාවේ මන්ත්රීවරියක් වන බවද වාර්තා වනවා.
ඊට අමතරව එම විදුහල්පතිවරයාගේ පුත්රයා ද මීට මාසයකට ඉහත දී හෙරොයින් ග්රෑම් 25ක් සමඟ අත්අඩංගුවට ගෙන ඇති බව සඳහන් වනවා.
සිද්ධිය සම්බන්ධව අනුරාධපුර කොට්ඨාස අපරාධ විමර්ශන අංශය විසින් වැඩිදුර විමර්ශන සිදුකරනවා.