බදුල්ලේ ස්ථාන 6ක සිදුවූ නායයෑම්වලින් පුද්ගලයින් සිව්දෙනෙක් මරුට
Local • Published on: 2025-11-27 02:38:01
පවතින අයහපත් කාලගුණ තත්ත්වය හේතුවෙන් බදුල්ල දිස්ත්රික්කයේ ස්ථාන 6ක සිදුවූ නායයෑම්වලින් පුද්ගලයින් සිව්දෙනෙකු ජීවිතක්ෂයට පත්ව ඇති බව වාර්තා වනවා.
බදුල්ල දිස්ත්රික් ලේකම් පණ්ඩුක අබේවර්ධන මහතා පැවසුවේ තවත් පුද්ගලයින් 9 දෙනෙක් පමණ අතුරුදහන්ව ඇති බවයි.
ඊයේ (26) දින ඇති වූ අයහපත් කාලගුණ තත්ත්වය හේතුවෙන් දිස්ත්රික්කයේ ස්ථාන රැසක නායයෑම් සහ පස් කඳු කඩා වැටීම් වාර්තා වන බවද දිස්ත්රික් ලේකම්වරයා සඳහන් කළා.
අතුරුදන් වූ පුද්ගලයින් සෙවීමේ කටයුතු සඳහා සහන සේවා කණ්ඩායම් තවදුරටත් කටයුතු කරමින් සිටින බව වාර්තා වනවා.