ආපදාවට ලක්ව ඇති ප්‍රදේශවල විදුලි පාරිභෝගික ජනතාවගේ නිවාසවල විදුලිය විසන්ධි කිරීමක් සිදු නොකරන බව ලංකා විදුලිබල මණ්ඩලයේ සාමාන්‍යධිකාරී විදුලි ඉංජිනේරු ෂර්ලි කුමාර මහතා පවසනවා.

ඔහු සඳහන් කරන්නේ විදුලි බිලට අදාළව මෙම ප්‍රදේශවල විදුලි විසන්ධි කිරීමක් ලංකා විදුලිබල මණ්ඩලය විසින් සිදු නොකරන බවත් එම බිල ඉදිරි මාසවලදී අදාළ බිලට එකතු වන බවත්ය.

කෙසේ වෙතත් මේ අවස්ථාවේදී කිසිඳු ආකාරයක විදුලි විසන්ධි වීමක් සිදු නොකරන බවද ඒ මහතා කියා සිටිය සිටිනවා.

මෙහිදී වැඩිදුරටත් අදහස් දක්වමින් ඔහු පවසන්නේ,

"ආපදාවට ලක්වී ඇති බොහෝ ප්‍රදේශවල මනු කියවීමට නොහැකියි. විදුලි බිල් ද බෙදා හැරීමට හැකියාවක් නැහැ.

ඒ අනුව එම අදාල බිල් ඉදිරි මාසවලදී විදුලි පාරිභෝගික ජනතාව වෙත ලැබීමට සලස්වනවා.

මේ අවස්ථාවේදී විදුලි විසන්ධි කිරීමක් කිසිඳු ආකාරයකට සිදු කරන්නේ නැහැ.

අයහපත් කාලගුණය නිසා ඇතිවූ ආපදා තත්ත්වය හේතුවෙන් ලංකා විදුලිබල මණ්ඩලයට ද අතිවිශාල අලාභයක් සිදුව තිබෙනවා. එය ගණනය කෙරෙමින් පවතිනවා."