චීන විදෙස් විනිමය සංචිතය ඩොලර් ට්රිලියනය ඉක්මවයි
Foreign • Published on: 2025-12-08 03:44:37
2025 වසරේ නොවැම්බර් මස අවසානය වන විට චීන විදේශ විනිමය සංචිතය අමෙරිකානු ඩොලර් ට්රිලියන තුන ඉක්මවා ගොස් තිබෙනවා.
චීන විදේශ විනිමය පරිපාලනය ඊයේ (07) නිකුත් කළ නවතම දත්ත වාර්තාවකට අනුව එහි අගය දැක්වෙන්නේ අමෙරිකානු ඩොලර් ට්රිලියන 3.3464ක් ලෙසයි.
පසුගිය ඔක්තෝබර් මස අවසානයට සාපේක්ෂව එය ඩොලර් බිලියන 3ක වැඩිවීමක් වන අතර එහි වර්ධනය 0.09%කි.
2025 වසරේ නොවැම්බර් මසදී විනිමය අනුපාත පරිවර්ථනය සහ වත්කම් මිල වෙනස් වීම වැනි සාධක හේතුවෙන් විදේශ විනිමය සංචිතය වර්ධනය වී ඇති බවද එම පරිපාලන ඒකකය පවසනවා.